清潔服務 · 包鐘
相片核實包鐘清潔，先講明範圍同時間，再一口價
按鐘點清潔，現場做得多少好視乎場地同污垢，有時客人會覺得「點解咁慢」。包鐘清潔反過嚟：你先傳相片同面積，我哋按經驗估算人手同時數，職員核實相片後出一口價，範圍同時間落單前講明。
價錢清楚 · 落單前見總價 · 服務有問題有跟進安排 · 港九新界全區服務
傳相片、睇建議安排
包鐘一口價:價錢按核實後嘅人手同時數計，比同樣時間嘅按鐘價高,因為包含估算同超時風險。預估價只供參考,以職員確認嘅報價為準。
想直接用 WhatsApp 傳相片?WhatsApp 傳相片核實
填面積、上傳相片，系統即時顯示建議人手、時數同預估價；職員核實相片後出最終包鐘報價。
服務地區:只限香港(港島、九龍、新界)
載入緊…
點樣運作
一，填面積(呎)、揀一般清潔、細緻清潔或裝修後清潔、上傳最少 3 張相片(每個要清潔嘅空間，包括最污糟嘅位置)。二，系統按經驗估算建議人手同時數，並顯示預估價。三，職員核實相片，必要時調整，然後出最終報價同範圍。四，你確認報價，我哋按確認嘅人手同時數上門。
包鐘係咩意思
報價包含確認好嘅人手、時數同清潔範圍，係一口價，唔按現場時間計。我哋承諾喺確認嘅時數內完成列明範圍，超時由我哋承擔；如果提早完成，亦不設退款，因為你買嘅係「完成指定範圍」，唔係買時間。
同按鐘點服務有咩分別
按鐘點係買時間，做完幾多得幾多，所以事前較難知道成果。包鐘係先核實範圍再定價，有清楚範圍可以對照；價錢會比同樣時間嘅按鐘價高，因為我哋要預先估算工作量、承擔超時風險，同投入人手核實相片。
估算根據
一般清潔：按我哋過往經驗，約 300 呎通常要 2 人做約 4 小時。細緻清潔：包櫃內同細節位，時間比一般清潔多約 30%。裝修後清潔：所需時間通常係一般清潔嘅約 3 倍。估算按一般污垢程度；職員會按你嘅相片評定，污垢較重會調整時數同報價，並先同你確認。呢個只係估算，唔係承諾，實際安排以職員核實相片後確認為準。
一般清潔(標準級)嘅範圍
包括：全屋可到達地面吸塵、拖地；廳房抹枱面、傢俬外表同櫃門外面、窗框窗台、門同門把、開關插座面板外表；廚房抹灶面同爐頭外表、水槽同水龍頭、抽油煙機外表、櫥櫃門外面、地面；洗手間洗手盆、馬桶、浴缸或企缸同可及範圍牆身、鏡面、地面、去水位表面；清倒一般垃圾桶垃圾。完成標準：肉眼可見嘅灰塵、垃圾同污垢已清除，表面無明顯水漬同清潔劑殘留。不包括：櫃內同抽屜內清潔；厚水垢、霉斑、頑固或老化污漬；窗外側、外牆玻璃、高空同梯上作業；搬動大型傢俬、處理大量雜物或垃圾；抽油煙機內部同濾網拆洗、電器內部；窗簾、地毯、梳化抽洗，殺菌消毒、除蟲等特殊清潔。
細緻清潔(細緻級)嘅範圍
包括標準級全部範圍，另外加：櫃內、抽屜內清潔(需客人預先清空)；窗軌、門框、牆腳線等細節位；燈具、風扇外表逐件抹淨(可及高度內)；廚廁輕度水垢同磚縫表面清潔。時間比標準級多約 30%。不包括：厚水垢、霉斑、頑固或老化污漬；窗外側、外牆玻璃、高空同梯上作業；搬動大型傢俬、處理大量雜物或垃圾；抽油煙機內部同濾網拆洗、電器內部；特殊清潔。
裝修後清潔嘅範圍
包括：清除裝修粉塵(地面、窗框窗台、櫃內外、燈具同傢俬表面)；去除可安全清走嘅油漆點、水泥點、膠紙同保護膜(以不損表面為準)；吸塵(包括牆角、窗軌)、拖地；廚房、洗手間徹底清潔；玻璃內側清潔；清走裝修遺留嘅少量垃圾。完成標準：裝修粉塵、可清走嘅污點同垃圾已清除，地面同表面可正常使用。不包括：大量裝修垃圾或廢料搬運(另外報價，可配合棄置服務)；已滲入或固化、無法安全去除嘅污漬；刮花、損壞嘅修補；窗外側、外牆玻璃、高空同梯上作業；殺菌消毒、除蟲、除甲醛等特殊服務。
驗收標準
你確認最終報價，即代表同意以上範圍同完成標準作為驗收標準。到場後，我哋會同你對住範圍清單核對；範圍以外嘅要求，現場會先報價，你確認先做，唔會單方面加價。
現場同相片唔同點算
如果到場發現同相片明顯有出入(例如污垢程度、可清潔面積、增加房間)，我哋會先同你講明差異同更新報價，你確認先做，唔會單方面加價。
不包括
報價單列明嘅範圍以外項目，例如外牆玻璃、高空作業、搬動大型傢俬、處理裝修遺留嘅大量垃圾或危險物品，會另外報價。服務地區只限香港。
常見問題
一定要傳相片嗎？▾
要。包鐘係按相片核實範圍後定價，冇相片我哋無法確認範圍同時數，亦無法出包鐘一口價。
預估價同最終報價會唔會唔同？▾
可能會。預估價係系統按面積同一般污垢程度估算，最終報價由職員核實相片後確認；污垢較重或範圍有出入，會調整時數同報價，並同你講明先落單。
我有更高要求，例如櫃內都要抹清潔，可以點？▾
可以揀「細緻清潔」，包櫃內同細節位，時間比標準級多約 30%。範圍清單以外嘅要求，我哋會先報價，你確認先做。
提早完成可以退款嗎？▾
包鐘服務係一口價承諾完成指定範圍，提早完成不設退款。相反，如果超時，超出嘅時間由我哋承擔。
裝修後清潔為甚麼時間比較長？▾
裝修後清潔通常要處理粉塵、水泥印、膠紙同油漆點等，工序較多，按我哋經驗所需時間約係一般清潔嘅 3 倍。
可以用優惠碼或會員折扣嗎？▾
包鐘一口價服務暫不適用優惠碼、會員折扣同空檔優惠，以職員確認嘅報價為準。