網上預約教學
自己揀、自己睇價、自己落單
8 步完成,唔使打電話。落單後喺同一頁付款同睇進度。
立即預約- 1
揀服務
喺首頁頂部揀服務:清潔、搬運、裝修後清潔全包、油漆工程、清拆工程、棄置服務或硬裝套餐。清潔再分「家居清潔」(按小時計)同「商業清潔」(寫字樓、商舖,包月駐場);搬運亦分家居同商業。

- 2
揀人數、鐘數同工具
用 + / − 調整人數同鐘數,再揀客戶自備工具定姐姐帶工具。價錢會即時更新,每項都寫明單價。

- 3
加附加項目(可選)
要加雪櫃內部、冷氣機、抽油煙機、玻璃清潔、滅蟲、除蟎等,直接剔選就得,有數量嘅項目用 + / − 加減。要先揀嘅配套項目會有提示。注意:冷氣機同抽油煙機項目只係清洗濾網,唔係拆機,每個項目名都有寫明。

- 4
睇報價,有優惠碼就輸入
落單前已經見到總價(包括最低收費,如適用)。有優惠碼可以喺報價下面輸入,價錢即時扣減。下面亦有服務條款要點,一眼睇晒。

- 5
揀日期同時間
用月曆揀日期,再揀開始時間。可揀嘅時間會按你揀嘅鐘數自動調整(清潔最遲 20:00 收工),另外有夜間時段(清潔 20:00 至 22:00 開始),夜間同假日加收會按你揀嘅時間自動計入價錢。

- 6
填聯絡資料,揀服務地區
填姓名、電話(香港號碼)同詳細地址,再喺「服務地區」揀香港嘅分區(港島、九龍、新界共 18 區)。我哋服務只限香港,非香港地址或電話嘅單唔會受理。

- 7
付款
落單後即刻去到付款頁。信用卡即時付款;轉數快或銀行過數會再減 1%,轉賬後上載截圖,同事核實後確認你嘅預約。

- 8
睇進度、同我哋傾訊息
付款後,頁面會顯示進度(待付款 → 上門中 → 進行中 → 已完成)同每步嘅時間,亦可以喺下面直接傳訊息或相片畀同事。服務當日如需加時,同事會先同你確認:加時按原訂單嘅人數同每人每小時單價計,最細 30 分鐘,確認後先計算;信用卡付款嘅訂單會收到差額付款連結。

以上為示例畫面,實際價錢、項目同時段以預約表單顯示為準。
