私隱與透明度
私隱及 Cookie 政策
生效及最後更新日期：2026年10月20日
上善服務有限公司（Shane Services Company Limited，下稱「上善服務」）重視你嘅私隱。本政策說明我哋透過 sshks.com 收集及使用咩資料，以及你可以點樣控制 Cookie 及本機儲存資料。
我哋會收集咩資料
當你瀏覽網站，我哋嘅主機可能處理基本連線資料，例如 IP 地址、瀏覽器及裝置類型、瀏覽頁面和時間，以維持安全及網站運作。我哋亦使用 Google Analytics，接收頁面瀏覽、概略位置、裝置資料及網站互動事件（例如報價、WhatsApp、電話或電郵按鈕被點擊）。如你提交預約，我哋會另外收集下面「預約及落單資料」所列嘅資料。
瀏覽器本機儲存
網站會喺你嘅瀏覽器本機儲存少量資料：（1）A/B 測試分組，用嚟比較唔同版面嘅表現；（2）如你係撳 Google 廣告嚟到網站，網址帶有嘅廣告點擊識別碼（gclid、gbraid、wbraid）會保存最多90日，用嚟核對廣告成效（例如你之後有冇預約）；（3）一個隨機裝置編號，只用嚟將同一部裝置短時間內重複撳 WhatsApp 掣嘅記錄併做一條。呢啲本機資料本身唔包含你嘅姓名或聯絡資料。
分析工具
網站向所有訪客載入 Google Analytics，用整體數據了解內容表現及改善客戶體驗。網站亦使用 Google 廣告標籤量度廣告成效，並可能用嚟向曾瀏覽本網站嘅訪客顯示相關廣告（再行銷）。你可以透過 Google 廣告設定（adssettings.google.com）停用個性化廣告，或透過瀏覽器設定封鎖 Cookie，亦可使用 Google Analytics 停用瀏覽器附加元件；封鎖後，你仍然可以正常閱讀網站、打電話、使用 WhatsApp 及索取報價。
預約及落單資料
當你喺網站提交預約，我哋會收集你輸入嘅姓名、電話、（選填）電郵、服務地址（搬運為舊居及新居地址）、預約日期及時間、備註，以及你揀嘅服務同報價資料。為防止濫用，我哋亦會處理提交時嘅 IP 地址同人機驗證結果。訂單亦可能附帶你係經邊個渠道或廣告到達網站嘅標記（包括廣告點擊識別碼），用嚟核對廣告成效。 用途：處理你嘅預約同報價、安排服務、以電話／短訊／WhatsApp／電郵聯絡你、確認付款、處理查詢及投訴、保存營運及帳目紀錄、防止垃圾訊息及欺詐，以及整體營運統計。 是否必須提供：姓名、電話、地址同預約時間係處理網上預約所必需；如你唔提供，我哋未能經網站處理預約，你可以改為 WhatsApp 或致電預約。 資料可能轉交嘅對象：我哋嘅職員及負責提供服務嘅人員（只限履行服務所需資料）、雲端伺服器及技術服務供應商、短訊／電郵通知服務供應商、付款服務供應商，以及法律規定或有權限嘅機構。部分雲端伺服器可能位於香港以外。 人機驗證：預約表格使用 Cloudflare Turnstile 防止濫用，Cloudflare 會按其私隱政策處理驗證所需嘅瀏覽器及連線資料。
第三方服務
網站使用 Google Analytics 及 Google 廣告成效量度，Google 會按其條款及私隱政策處理相關資料。預約由 app.sshks.com 預約系統處理，部分短訊／電郵通知及付款由服務供應商協助。當你主動按 WhatsApp 或其他外部服務連結，會前往第三方平台，該平台嘅私隱政策將適用。
資料用途及披露
我哋只會將資料用於網站運作、安全、回應查詢、處理預約、分析服務成效及改善內容。除服務供應商按指示處理資料、法律要求或保障合法權益外，我哋唔會向其他人士出售你嘅個人資料。
保存及保安
資料只會保存至達成收集目的所需嘅時間，或按法律（例如營運及帳目紀錄）要求保存，並採取合理技術及管理措施防止未經授權存取、遺失或濫用。Google Analytics 資料嘅保存亦受我哋帳戶設定及 Google 政策規管。
你嘅選擇及權利
你可以隨時透過瀏覽器刪除 Cookie 及本機儲存資料，或使用瀏覽器設定封鎖追蹤。你亦有權根據《個人資料（私隱）條例》要求查閱及改正你嘅個人資料。
聯絡我哋
如對私隱、資料查閱或改正有疑問，請電郵至 info@sshks.com，或致電 2797 9788。