清潔服務
浴室廁所清潔，上門處理馬桶、洗手盆同企缸浴缸
想請人洗廁所？自己用清潔劑洗過好多次仍然有水垢、黃漬，或者冇時間，可以交畀我哋。自家師傅上門，按鐘點收費，自己揀人數同鐘數，落單前已經見到總價。
價錢清楚 · 落單前見總價 · 服務有問題有跟進安排 · 港九新界全區服務
揀人數同鐘數，即時見價
揀好人數同鐘數，總價落單前已顯示；想連廚房或其他地方一齊做，可以直接揀時數。
服務地區:只限香港(港島、九龍、新界)
搬屋一條龍同時預約搬運同清潔,再減 HK$200 →想先問清楚? WhatsApp 查詢
載入緊…
做咩
洗手盆、鏡面、廁所櫃外面、馬桶、企缸或浴缸，加埋廁所地面。鐘點清潔按你揀嘅時數優先做，唔係保證做齊所有細節；想有清楚範圍同一口價，可以揀「一口價清潔(相片核實)」。
適合邊啲情況
家中廁所有水垢、黃漬、皂垢，或者搬入前後想徹底洗乾淨；也適合想同廚房一齊做嘅廚廁深層清潔。有發霉位置，可以喺附加項目加購除霉劑。
收費方式
按人數同鐘數收費，總價落單前已顯示；2 人起，最少 3 小時，工具可以自備或由師傅帶。最低消費、加收同優惠以報價表為準。
唔包咩
櫃入面預設唔包(吉屋或已清空嘅櫃會盡量處理)；頑固或老化嘅水垢、永久染色同損壞，未必能靠清潔復原，要先評估；拆裝潔具、水喉維修唔屬於清潔服務。
點解唔自己洗
自己洗要買清潔劑、花時間，用錯產品仲可能損傷石材或龍頭。交畀師傅可以慳時間，我哋會按物料揀合適方法；想先試自己洗，亦可以先睇下面問答。
常見問題
廁所清潔一般要幾耐？▾
視乎廁所數量、大細同污垢程度。一個普通家居廁所通常好快完成，鐘點清潔最少 2 人 3 小時，可以連廚房或其他地方一齊做。
水垢同黃漬可以完全清走嗎？▾
輕度同中度一般可以明顯改善。頑固、老化或滲入物料嘅污漬未必可以完全清走，要先評估，不會承諾做到全新效果。
要自己準備清潔用品嗎？▾
可以揀自備工具(較平)或由師傅帶工具。自備要準備拖把水桶、抹布或海綿、廁所同浴室清潔劑、垃圾袋；唔想準備就揀師傅帶工具。
發霉位置可以處理嗎？▾
可以在附加項目加購除霉劑。嚴重或大範圍霉斑，要先睇相片評估。
櫃入面同雪櫃入面包唔包？▾
廁所櫃外面包。櫃入面如果係空置或已清空，會盡量處理；雪櫃內部可以喺附加項目加購。