清潔服務

重打玻璃膠,鏟走發霉舊膠、換上防霉玻璃膠

浴缸邊、企缸同星盆嘅玻璃膠一發黑,霉菌通常已經生咗入膠入面,洗極都會返黑。我哋派師傅加清潔助手上門,鏟走舊膠、清霉、吹乾,再打防霉玻璃膠。先傳相過嚟,我哋確認範圍再報價。

價錢清楚 · 落單前見總價 · 服務有問題有跟進安排 · 港九新界全區服務

重打玻璃膠收費

單獨上門:師傅加清潔助手 2 人,包除霉、防霉玻璃膠同物料。

1 間浴室HK$2,380
2 間浴室,或 1 間浴室加廚房星盆HK$3,280
之後每多一間浴室+ HK$1,280

同鐘點清潔一齊做(報價表附加項目)

單一位置(3米內)+ HK$1,380
整間浴室+ HK$1,880
  • 只包封縫膠;台下盆、鏡或靠膠固定嘅櫃要加固,會另外報價。
  • 打膠後 24 小時唔好沾水。

點解洗極都唔白

玻璃膠發黑,多數係霉菌生咗入膠入面,唔係表面污漬。除霉劑可以令佢淡啲,但通常一兩個禮拜又會返黑。要徹底解決,就要鏟走舊膠、清走膠底嘅霉,再重新打膠。

做咩

鏟走浴缸邊、企缸、洗手盆、座廁底或廚房星盆邊嘅舊玻璃膠,用除膠劑清走殘膠,處理膠底霉斑,抹乾吹乾之後貼美紋紙,再打防霉玻璃膠同刮平。清潔助手負責鏟膠同清霉,師傅負責打膠同檢查。

收費

單獨上門(師傅加清潔助手 2 人,包除霉、防霉玻璃膠同物料):1 間浴室 $2,380;2 間浴室,或者 1 間浴室加廚房星盆 $3,280;之後每多一間浴室 $1,280。同鐘點清潔一齊做,可以喺清潔報價表嘅附加項目揀:單一位置(3米內) $1,380,整間浴室 $1,880。舊膠特別厚或者打過幾層,會喺開工前講清楚先加價。

只包封縫膠

價錢只包封縫防水嘅玻璃膠。台下盆、鏡同冇裝螺絲嘅櫃,有時係靠玻璃膠黐住;呢類位置師傅會先睇相,再喺現場做推力測試,需要重新固定就另外報價,用結構膠加固、校水平再封縫。原本已經鬆脫或者安裝唔妥嘅物件,開工前會先同你講清楚。

打完要注意

打膠後 24 小時唔好沾水,即係嗰日最好唔好用嗰個浴缸或企缸沖涼,可以預早安排。浴室長期唔通風,新膠都有機會再生霉,建議沖完涼開抽氣扇或者開窗。

常見問題

點知要重打,定係清潔就得?▾

用除霉劑抹完仍然見到黑點,或者膠已經變黃、起邊、有裂縫,就建議重打。傳相過嚟,我哋會話你知邊種做法啱。

一間浴室要做幾耐?▾

一般大約 2 至 3 小時,視乎舊膠厚度同範圍。打完要等 24 小時先好沾水。

鏟走舊玻璃膠,個櫃或者洗手盆會唔會鬆?▾

浴缸邊、企缸同星盆邊嘅玻璃膠只係封縫防水,櫃同盆本身靠螺絲或腳架承重,鏟走唔會郁。不過有啲台下盆、鏡或者冇裝螺絲嘅櫃係靠玻璃膠黐住,呢類位置師傅會先睇相同現場推力測試;需要重新固定就另外報價。

用咩玻璃膠?▾

用浴室廚房用嘅防霉玻璃膠。想配特定顏色,可以落單時講,我哋先確認有冇貨。

可唔可以同清潔一齊做?▾

可以。喺清潔報價表嘅附加項目揀「重打防霉玻璃膠」:單一位置 $1,380,整間浴室 $1,880,比單獨上門平。

WhatsApp 傳相報價

相關服務