搬運 · 實用指南
搬屋清單：搬屋前後每個階段要做嘅嘢
搬屋唔止係搬傢俬咁簡單，仲牽涉埋一大堆行政手續——斷網、過戶、通知各方新地址，樣樣都好易漏做。以下按時間順序整理搬屋前後嘅重點事項。
搬屋前4星期：定日子、格價
確定搬屋日期，開始格價預約搬運公司，同時可以開始篩選唔要嘅舊傢俬電器，決定捐贈、放售定係清走。
搬屋前2星期：處理水電煤同其他帳戶
通知寬頻/固網公司安排搬遷或終止服務，通知電力同煤氣公司安排過戶，銀行、保險、強積金公司更新通訊地址。
搬屋前1星期：打包同確認細節
確認新居鎖匙已到手，開始打包大部分家中物品（重物入細箱，輕物入大箱），安排大型傢俬/舊電器清走。
搬屋前一日：最後準備
再次確認搬運公司到達時間，打包當日隨身必需品（證件、鎖匙、充電器、藥物），雪櫃清空除霜，電器斷水斷電。
搬屋當日：檢查同交收
搬運前檢查每個房間有冇留低嘢，記錄舊居水電煤錶數，如租盤要同業主/管理處交還鎖匙並拍照留證。
搬屋後1星期：更新地址
如有需要到入境處更新身份證地址，運輸署更新車輛登記，銀行卡、信用卡、保險單地址都要跟住更新。
想要一份自動按你嘅搬屋日期計算返晒所有日期嘅清單？可以用返我哋嘅免費「搬屋清單產生器」，輸入日期即刻生成。