夥伴使用教學
由登記到收佣金,4 步睇晒
上善夥伴唔使落手做搬運或者清潔,只要分享專屬連結。客人完成服務後,你就按實付金額計佣金。
1免費登記
去夥伴推薦計劃填稱呼、香港電話同身份。審批後,你會收到一條 SMS,入面有:
- 推薦碼(格式 PT-XXXXX)
- 專屬推薦連結
- 私人佣金頁連結(請勿轉發)
2生成連結、海報同分享訊息
返去計劃頁嘅「分享套裝」,輸入推薦碼再撳「生成連結同海報」。你可以複製連結、下載二維碼海報,或者複製現成訊息再按自己語氣改。佣金頁都有分享範本,已經放好你嘅連結。
4睇訂單同佣金
打開 SMS 入面嘅私人佣金頁,就睇到本月完成宗數、累計佣金同獎金、進行中訂單同每月明細。客人資料唔會顯示。連結唔見咗,可以去夥伴佣金頁輸入登記電話,系統會用 SMS 發新連結,舊連結即時失效。
佣金階梯
5%
每月 1–4 宗
8%
每月 5–9 宗
12%
每月 10 宗或以上
常見問題
佣金點計?
按客人實付金額計。搬屋、清潔、清拆合併計算當月完成宗數,宗數決定嗰個月全部訂單用邊個百分比。例如當月完成 5 宗、實付合共 HK$10,000,佣金就係 8% 即 HK$800。
幾時收到佣金?
客人完成服務後計入當月,次月 15 號結算。退款、取消或者服務有爭議嘅訂單,佣金可能調整。
首 3 單獎金點計?
批准後 60 日內,頭 3 張完成嘅訂單,如果客人實付滿 HK$900,每單另加 HK$80,每位夥伴最多 HK$240。獎金同佣金一齊結算。
我自己落單有冇佣金?
冇。用自己電話落單,唔會享有自己嘅夥伴優惠,亦唔計佣金。
介紹其他人做夥伴有冇佣金?
冇。佣金只來自客人實際成交嘅訂單,冇招募或者下線佣金,亦冇底薪。
撳咗發連結但收唔到 SMS 點算?
請確認輸入嘅係登記電話。同一位夥伴 10 分鐘內只會發一次,等一等再試;仍然收唔到可以 WhatsApp 9229 5999。
可唔可以隨時退出?
可以。計劃冇最低介紹數量,亦冇合約綁定同罰則。