油漆 · 實用指南

300呎、400呎、500呎、700呎油漆價錢:全屋翻油大約幾錢?

好多人問「400 呎油漆幾錢」,但油漆係按牆身同天花面積計,唔係按單位面積計。下面用一般住宅嘅比例幫你由單位面積估施工面積,再按三級工序列出大概價錢。

300 / 400 / 500 / 700 呎單位估算

單位實用面積估計施工面積直接翻油執灰翻油鏟底批灰髹油
300 呎約 990 呎HK$31,680約 HK$24,750HK$51,480約 HK$40,590HK$116,820約 HK$93,060
400 呎約 1,320 呎HK$42,240約 HK$33,000HK$68,640約 HK$54,120HK$155,760約 HK$124,080
500 呎約 1,650 呎HK$52,800約 HK$41,250HK$85,800約 HK$67,650HK$194,700約 HK$155,100
700 呎約 2,310 呎HK$73,920約 HK$57,750HK$120,120約 HK$94,710HK$272,580約 HK$217,140

已按 8 折優惠價計,劃線係原價。估算方法:牆身加天花面積大約係單位實用面積 × 3.3,再乘即時每呎價;唔夠該工序最低收費就按最低收費計。 實際面積同樓底高度、間隔、櫃位遮擋有關,以度尺或者落單時輸入嘅施工面積為準。

點樣由單位面積估牆身面積

住宅牆身加天花面積,大約係實用面積嘅 3.3 倍。例如 500 呎單位,牆身加天花大約 1,650 呎。樓底高、房間多、間隔細,面積會多啲;廚房廁所有瓷磚、大型入牆櫃遮咗嘅位唔使油,面積會少啲。

300 呎單位

開放式或者一房細單位,施工面積大約 990 呎。如果只油一兩間房或者一幅牆,面積細,好可能未到該工序最低收費,就會按最低收費計。

400 呎、500 呎單位

兩房單位最常見,施工面積大約 1,320 至 1,650 呎。舊樓牆身多數有釘孔同細裂,好多時要揀執灰翻油先夠平滑;新樓交樓唔夠一兩年、牆身冇問題,直接翻油已經夠。

700 呎單位

三房單位施工面積大約 2,310 呎,面積大,用邊一級工序對總價影響好大。可以考慮分房揀級:客廳同睡房執灰翻油,狀況好嘅房直接翻油,唔使全屋一刀切剷底。

想要準確價錢

估算表只係參考。最準確係度好牆身同天花面積,喺網上報價工具輸入,總價即時顯示;唔想自己度,WhatsApp 傳相同平面圖,我哋幫你計。

表入面嘅價錢會跟後台最新呎價自動更新,但面積只係估算;最終價以實際施工面積同落單時顯示為準。