油漆 · 實用指南
執灰翻油係咩?同直接翻油、剷底批灰有咩分別,價錢點計
「執灰翻油」係香港師傅好常用嘅講法,但同「翻油」、「剷底批灰」差幾多、貴幾多,好少人講得清。下面逐樣解釋,幫你揀啱工序,唔使做少咗又唔使做多咗。
即時油漆價目(按施工面積)
直接翻油
原價 HK$328折優惠
HK$25/平方呎起
最低工程收費 HK$4,900
✓ 牆身狀況良好,基本保護、清潔、重新上色
✕ 不包大面積修補或剷底
執灰翻油
原價 HK$528折優惠
HK$41/平方呎起
最低工程收費 HK$7,500
✓ 局部清鬆漆、補裂紋/釘孔、批灰打磨後翻油
✕ 不包全牆鏟底及全面找平
鏟底批灰髹油
原價 HK$1188折優惠
HK$94/平方呎起
最低工程收費 HK$10,800
✓ 鏟除鬆脫舊漆、批灰打磨、封底漆、兩層面漆
✕ 不包滲水、防水、批盪或結構修補
最低計價面積100平方呎,不足100平方呎仍以100平方呎計。最終施工費 = 每呎價 × 實量施工面積(不少於100平方呎),與該工序最低工程收費兩者取較高。
執灰翻油做咩工序
執灰翻油係中間嗰級:先刮走局部鬆脫或起泡嘅舊漆,用批灰填平釘孔、細裂紋同凹位,乾咗打磨平滑,再上面漆。唔會成幅牆鏟走舊漆,亦唔包全面找平。
批灰有咩作用
批灰(俗稱「批牆灰」)係用膩子填平牆身嘅坑紋同凹凸,打磨後牆面先平滑,面漆先會均勻、唔見補痕。冇批灰直接油,釘孔同裂紋會透出嚟,燈光一照就好明顯。
三級工序點分
直接翻油:牆身好,只係舊咗或者想轉色。執灰翻油:有釘孔、細裂、小範圍甩油。剷底批灰髹油:成幅起泡、大範圍剝落、油咗好多層、或者滲水修好後要重做,就要鏟走舊漆、全面批灰、封底漆再上兩層面漆。
剷底批灰要幾耐
剷底批灰工序多,批灰同底漆每層都要等乾,所以比翻油耐好多,時間主要睇面積同天氣濕度。落單時會按面積同工序安排日數;要趕入伙,記得預留多幾日。
價錢點計
三級都係按施工面積每呎計,再設最低收費,價錢見上面即時價目表。執灰翻油每呎價比直接翻油高,但遠低過剷底批灰,舊樓好多時係最抵嘅選擇。
唔包嘅嘢
滲水、防水、批盪或結構修補唔包。牆身因為滲水起泡,一定要先搵出水源修好,否則執完灰油完都會再起。
唔肯定牆身要執灰定剷底?影近鏡同遠鏡相 WhatsApp 我哋,會話你用邊級,價錢落單前已經睇到。
